Pryme don drop one sweet jam wey go scatter everywhere! The song wey him title Carry Go na correct love banger wey dey melt heart.
If you never hear am, just know say you dey miss something wey fit make you wan fall in love sharp sharp.
Lyrics & Vibes
From the very first line, Pryme use sweet melody take capture our mind. The part wey he sing:
“Anywhere you dey, baby na there I go dey…” E just confirm say na 100% assurance love e dey talk about. No be all these anyhow love wey go fade after two weeks.
The song get that cool, mid-tempo afrobeat sound wey fit make you dey nod your head without stress. E no too fast, e no too slow – just perfect for lovebirds wey wan dey reason life together.
Production & Beat
The beat sef na correct work. E get that smooth afro-fusion feel wey go make person wan hold babe or bobo tight. The producer sabi work, no be all these noisy beats wey go make you tire after first listen. Every instrument blend well, and Pryme voice sweet on top am like sugar for garri.
Overall Vibe
Na song wey fit enter plsylist for date night, cool evening cruise, or even when you just dey reflect on love. The way Pryme take deliver the song show say e don mature for this music game. Him vocals dey clean, lyrics make sense, and e no dey do over-sabi. Just pure vibes!
Final Thoughts
If you never jamCarry Go by Pryme, abeg make you no dull yourself. E go ginger your love mood and if you never dey in love, e fit even make you reason say e don reach time to find person wey go dey “anywhere wey you dey.” Na 10/10 jam wey deserve replay!
What do you think about the song? Drop your comments make we gist!
